Hafíssetrið er staðsett í Hillebrandtshúsi í elsta bæjarhluta Blönduóss.

Einn helsti hvatamaður setursins er dr. Þór Jakobsson, veðurfræðingur einn helsti fræðimaður á sviði hafís og hafísrannsókna á Íslandi. Þór er höfundur texta sem notaður er á sýningunni. Sýningarstjóri hafíssetursins er Björn G. Björnsson.

Á Hafíssetrinu er fjallað um hafís á fjölbreyttan og fræðandi hátt. Setrið er að nokkru leyti í minningu Jóns Eyþórssonar en hann var fremstur í flokki íslenskra náttúrufræðinga sem hófu að huga að hafís við landið.

Veðurathugunartæki sem voru hjá Grími Gíslasyni heitnum verða á setrinu og hefur veðurstofan gefið tækin. Framkvæmdar verða veðurathuganir á hverjum degi.

Katharina Angela Schneider
Forstöðumaður Hafíssetursins á Blönduósi

Opið alla daga í sumar frá kl. 11.00 – 17.00.

Nánari upplýsingar í síma 452 4848 eða á netfangið hafis@blonduos.is

Heimasíða : www.blonduos.is/hafis