Fréttatilkynning frá Sorphreinsun Vilhelms Harðarssonar ehf.

Sorphreinsun Vilhelms Harðarsonar ehf. hefur gert samning við Blönduósbæ um byggingu 
og rekstur gámastæðis (endur­vinnslu­stöðvar) að Efstubraut 5a á Blönduósi.  

Stæðið er nú tilbúið til notkunar og verður formlega tekið í notkun miðvikudaginn 21. júlí,  kl. 
16:00.  Bæjarbúum er boðið að skoða stæðið og þiggja kaffiveitingar þar á staðnum í tilefni 
opnunarinnar.

Samningurinn tryggir aðgang bæjarbúa að gámastæðinu og íbúar bæjarins geta komið 
þangað með allan heimilisúrgang og endurvinnsluefni sér að kostnaðarlausu. 

Fyrirtæki og stofnanir greiða samkvæmt sérstakri gjaldskrá en flokkað efni til endurvinnslu 
er í flestum tilvikum gjaldfrjálst. 

Efni sem hæft er til endurvinnslu er flokkað og baggað til útflutnings í starfsstöð fyrirtækisins 
á Skagaströnd.

Þetta nýja stæði leysir af hólmi eldra gámastæði við urðunarstað bæjarins við Draugagil og 
raunar er þess nú skammt að bíða að honum verði lokað og nýr urðunarstaður að 
Sölvabakka verði tekinn í notkun. Má segja að sú breyting verði lokaáfangi á algerri 
umbyltingu í þessum málaflokki hjá Blönduósbæ. 

Sorphreinsun Vilhelms Harðarsonar ehf.